Цаг уур орчны шинжилгээний  газраас гаргасан энэ долоо хоногийн цаг агаарын урьдчилсан мэдээг сонирхуулъя. Маргааш баруун зүгийн нутгийн зүүн, төвийн нутгийн зарим хэсгээр, 20-22-нд зарим нутгаар түр зуурын дуу цахилгаантай бороо орно. 21-нд Алтайн уулархаг нутаг, Арц Богдын өвөр хоолойгоор, 22-нд говь, талын нутгаар салхи секундэд 12-14 метр хүрч ширүүснэ. Хугацааны эхээр халуун байх боловч 20-ноос нутгийн хойд хэсгээр цаашдаа ихэнх нутгаар сэрүүсч Алтай, Хангай, Хөвсгөлийн уулархаг нутгаар шөнөдөө 5-10 хэм, өдөртөө 17-22 хэм, Говь, талын нутгаар шөнөдөө 12-17 хэм, өдөртөө 26-31 хэм, бусад нутгаар шөнөдөө 9-14 хэм, өдөртөө 23-28 хэм дулаан байна.