Туулын хурдны замын бэлтгэл ажил өнгөрсөн сард эхэлсэн.Туул голын урд 300 хүн, 200 техниктэйгээр өдөрт 12 цаг ажиллаж байна.
2027.07.01-нд замын зорчих хэсгийг нээнэ. Бусад ажил амжихгүй. Ажил төлөвлөсний дагуу үргэлжилж байна гэж хотын дарга Х.Нямбаатар өнөөдөр УИХ-ын Төсвийн байнгын хорооны хуралдаанд оролцох үеэр мэдээлсэн.
Энэ төсөлд нийслэлээс нийт 500 орчим тэрбум төгрөг зарцуулсны 400 тэрбум төгрөгийг гүйцэтгэгч компани болох БНХАУ-ын Hywya group-т олгожээ.
Бүтээн байгуулалт эхэлсэн ч Туулын хурдны замын нарийвчилсан зураг төслөө Усны газарт өнөөг хүртэл ирүүлээгүй. Мөн усны инженер Г.Мөнх-Эрдэм, Д.Мөнхзориг нар "Миний нэрийг байгаль орчны нарийвчилсан үнэлгээний нүүр хэсэгт тавьжээ. Би энэ ажилд оролцоогүй тул залруулга гарга" хэмээн шаардсан юм. Иймд "Туул голоо аваръя" хөдөлгөөнөөс АТГ-т гомдол санал гарган, тус төслийг шалгаж эхэлжээ.
