Энэ жил 21 аймгийн 229 сум, нийслэлийн хоёр дүүргийн нийт 33 мянга гаруй иргэн хонь, тэмээний ноос бэлтгэж, үндэсний үйлдвэрт тушаажээ. Тэдэнд Засгийн газрын 30 дугаар тогтоолын дагуу 4925 тонн ноосны урамшуулалд 9.849 тэрбум төгрөгийг сумдын төрийн сангаар дамжуулан иргэдийн дансанд шилжүүлээд байгаа тухай Жижиг дунд үйлдвэрийн газраас мэдээллээ. Засгийн газраас гаргасан тогтоолын дагуу “Хонины болон тэмээний ноос бэлтгэж үндэсний үйлдвэрт тушаасан хоршооны гишүүн, малчинд мөнгөн урамшуулал олгох тухай” журмыг ийнхүү хэрэгжүүлж байгаа бол цаашид арьс шир, мах, сүүний урамшуулал олгохоор хэлэлцэж байгаа аж.