Гэр хорооллын иргэдийн усны төлбөрийг хөнгөлөх тухай Засгийн газрын тогтоол батлагдлаа. Уг тогтоолоор Улаанбаатар хот болон төв суурин газрын гэр хороололд амьдарч буй иргэдийн усны үйлчилгээний үнийг тухайн орон нутагт орон сууцанд амьдарч буй иргэдийн төлж байгаа хэмжээнд хүртэл бууруулах саналыг сайд Ц.Дашдорж, Д.Цогтбаатар нарт даалгасан байна. Мөн одоо мөрдөж байгаа усны үйлчилгээний төлбөрийг бууруулснаар ус ханган нийлүүлэгч байгуллагуудад үүсэх алдагдлын энэ жилд ногдох хэмжээг тогтоож шийдвэрлэхийг сайд Д.Хаянхярваа, цаашид жил бүр төсөвтөө тусгаж байхыг аймаг, нийслэлийн Засаг дарга нарт үүрэг болгосон юм. Ингэснээр гэр хорооллын иргэдийн усны төлбөр 2.5 дахин багасах гэнэ. Одоогоор орон сууцны иргэд нэг литр усыг 40 мөнгөөр хэрэглэдэг бол гэр хорооллын хэрэглэгчид нэг төгрөгөөр худалдан авч байна.
