Монголиан Аэрлайнес Групп компани олон улсын Олон улсын анхны цагийн хуваарьт, тогтмол аялалын нислэгээ Улаанбаатар Хонг Конгийн чиглэлд үйлдэж эхэллээ.

Монгол улс эрчимтэй хөгжлийн шатанд орж нийгэм, эдийн засгийн бүхий л салбарт хөгжил дэвшил ирж байгааг нотолсон нэгэн үйл явдал шинэ долоо хоногийн эхний өдөр тохиож байна. Өргөн уудам газар нутагтай, далайд гарцгүй, хүчирхэг хоёр хөрштэй Монгол улсад нэн чухал шаардлагатай агаарын тээврийн салбарт Монголиан Аэрлайнес Групп компани олон улсын анхны цагийн хуваарьт, тогтмол аялалын нислэгээ Улаанбаатар Хонг Конгийн чиглэлд долоо хоногийн 3 давтамжтайгаар / Даваа, Лхагва, Баасан / үйлдэж эхэллээ.

Монголиан Аэрлайнес Групп компани нь энэхүү олон улсын нислэгтээ дундын зайн тийрэлтэт хөдөлгүүрт агаарын хөлөг, 12 бизнес ангилалын 108 энгийн ангилалын нийт 120 хүний суудалтай, 850 км/цаг хурдтай буулгүйгээр 6850 км зайг туулах чадвартай Аэрбус А319-112 агаарын хөлгөөр үйлдэх юм.

Монгол улсад агаарын тээвэрлэгч нэгээр нэмэгдэж, орон нутаг болон олон улсын тогтмол аялалын нислэг хийж эхэлж байгаа явдал нь Монгол улсын өрсөлдөх чадварыг сайжруулахад агаарын тээврийн салбарын гүйцэтгэх үүргийг нэмэгдүүлэх, эдийн засгийн бодит өсөлтийг дэмжих, чөлөөт шудрага өрсөлдөөнийг бий болгох чухал ач холбогдолтой билээ.

Үүний зэрэгцээ энэхүү зах зээлийн өсөлт хөгжил дэвшлийг зорчигчдод хямд үнэ, найрсаг үйлчилгээ, дэлхийн жишигт хүрсэн техник технологиийг эдлэх бололцоог бий болгож буй Монголиан Аэрлайнес Групп компанийн хамт олонд талархалаа ирэлхийлж ажлын өндөр амжилтийг хүсье.