Нийслэлийн прокурорын газрынхан “Анод” банк дампуурсан хэргийг хянаж дуусаад шүүх рүү шилжүүлжээ. Цагдаагийнхан эл хэрэгт 20 орчим хүнийг холбогдуулан шалгасан. Тэднээс цөөнгүй нь яллагдагчаар татагдаад байгаа гэнэ. Тухайлбал, тус банкны гүйцэтгэх захирал байсан Д.Энхтөр, ТУЗ-ийн дарга Э.Гүр-Аранз, гишүүн  Н.Даваа, Тамгын газрын дарга Л.Уламбаяр нарыг Эрүүгийн хуулийн банкны хууль тогтоомж зөрчих, бусдын эд хөрөнгийг завшиж үрэгдүүлэх, залилах гэсэн зүйл ангиар буруутгаж шалгасан юм.  Тэднийг нэг хэсэг шоронд ч хорьсон. Гэвч одоогоор бүгд батлан даалтад гадуур байгаа гэнэ.
Хавтаст хэргийг шүүхэд шилжүүлснээс хойш хуулиар бол 14-30 хоногийн дотор шүүх хурлын товыг гаргах учиртай аж.