Дэлгэр цагт хийх бүтээн байгуулалт, тохижилт болон ирэх өвлийн бэлтгэл ажлуудыг нягт уялдуулж ажиллахыг Нийслэлийн Засаг дарга үүрэг болгожээ. Учир нь, нэгнийхээ хийсэн ажлыг сүйтгэдэг хэмээн багагүй шүүмжлэл хүртсэн тэд өнгөрсөн жилээс хамтарч ажиллаж эхэлсэн аж. Өнгөрсөн жил гэхэд нэлээдгүй зарим газарт зассан зам талбай, явган хүний тохижуулсан замыг өвлийн бэлтгэл хангах үүднээс шугам солих гэж хуулах, эвдлэх явдал гарсан. Тиймээс өвлийг өнтэй давахын тулд ажлын уялдаа холбоотой ажиллана гэдгээ холбогдох газрын удирдлагууд мэдэгдлээ.