Дэлхий дахинд хүнсний хомсдол үүсээд байна. Өнөөдөр дэлхий нийтийн хэмжээнд өлөн зэлмүүн амьдарч байгаа нэг тэрбум хүн байна. Өөрөөр хэлбэл долоон хүн тутмын  нэг нь өлсгөлөн байна гэсэн үг.  
2050 он гэхэд дэлхийн хүн ам 9.1 тэрбумд хүрч, хүнсний хэрэгцээ 70 хувиар нэмэгдэнэ гэсэн тооцоог НҮБ-ийн Хүнс хөдөө аж ахуйн байгууллага (FAO) гаргажээ. Харин 40 гаруй сая толгой малтай цөөхөн хүн амтай манайх шиг улсад дэлхийн хүнсний хямрал ямар хамаатай юм бэ гэж бодох нэгэн байгаа. Тэгвэл Монгол Улс хүнсний хомсдлын үзүүлэлтээрээ тийм ч сайн дүн авахгүй байгаагаас гадна, тэнгэрт хадсан үнэтэй махаа авч идэхэд ч хэцүүхэн байгааг санахад илүүдэхгүй биз ээ.