Уламжлал болгон зохион байгуулагддаг “Барилга Орон Сууц 2012” үзэсгэлэн яармаг “Мишээл экспо”-д үргэлжилж байна.
    Энэхүү үзэсгэлэнд  “Ногоон барилга - Хөгжлийн гарц” уриан дор эрчим хүчний хэмнэлттэй, байгаль орчинд хөнөөлгүй, хүний эрүүл мэндэд сөрөг нөлөөгүй, сэргээгдэх эрчим хүчийг ашиглах, усыг хэмнэх, хаягдалгүй технологи зэргийг үйл ажиллагаандаа нэвтрүүлж байгаа аж ахуйн нэгж, компаниудыг оролцуулж байгаа юм. Үзэсгэлэнд хүрэлцэн ирснээр  нийслэлд ашиглалтад орох гэж байгаа болон орсон 50 гаруй орон сууцны тухай мэдээлэл авч, сонголт хийх боломжтой. Түүнчлэн  барилгын материал , ногоон байгууламж, ландшафтын компаниуд олон нийтэд өөрсдийн үйл ажиллагаа болон материал бүтээгдэхүүнээ танилцуулж байна. Үзэсгэлэн энэ сарын 28-ыг дуустал үргэлжилнэ.