Монголын арилжааны банкуудын зэрэглэл буурчээ. Олон улсын үнэлгээний агентлаг  “Moody"s” манай банкуудыг Ba3-ээс B1 зэрэглэлтэй хэмээн тодорхойлов. Энэ нь эрсдэлтэйгээс өндөр эрсдэлтэй хэмээх ангилалд орсон гэсэн үг аж. Үүнийг Монголын эдийн засаг хэт халж байна хэмээн тайлбарлажээ.  Зэрэглэл ингэж буурах нь гадаадаас зээл авах, хөрөнгө оруулалт татахад сөрөг нөлөө үзүүлдэг. Банкуудын найвдартай ажиллагааны нэг үзүүлэлт бол өөрийн хөрөнгийн хувь хэмжээ байдаг. Өнөөдөр манай арилжааны банкуудын өөрийн хөрөнгийн хэмжээ одоо 12 хувь байгаа. Монголбанк  энэ хэмжээг 14 хувь болгох шаардлага тавьсан юм.