“Australian” сонин дээр Сирийн Засгийн газрын армийн албан хаагчийн тас цавчсан толгойг барьж байгаа хүүхдийн зургийг гаргасныг Австралийн Ерөнхий сайд Тонни Эббот эрс шүүмжилжээ. Хүний тасарсан толгой барьж зургаа авахуулсан хүүхэд алан хядах ажиллагаа явуулахаар зэхсэн хэргээр шүүгдэн шоронд хоригдож байсан хүний хүү байсан нь байдлыг улам ээдрээтэй болгожээ. Сидней, Мельбурн хотуудад алан хядах ажиллагаа явуулахар зэхсэн гэж дөрвөн жил шоронд хоригдох ял авсан Халед Шарруф гэгч нь Австралиас гарах хориотой байсан ч дүүгийнхээ пасспортоор Сири орж “ИЛЛУ” бүлэглэлийн эгнээнд Башар Асадын эсрэг байлдах болжээ. Тэрээр Фейсбүк хуудсандаа Сирийн цэргийн албан хаагчийн толгой барьсан хүүхдийн зургийг тавьж “Энэ бол миний хүү” гэсэн тайлбар хийснийг Австралийн сонинд зургийг нь гаргасан юм байна. Үүнээс гадна Шарруф нь Твиттер хуудсаараа Австралийн харьяат  Мохаммед Эломар гэгчийг сири цэргийн тасалсан толгойг барьж буй зургийг гаргасан байна. Эдгээр зургийг байрлуулсны улмаас Шарруфыг Австралийн эрх баригчид Интерполооор эрэн сурвалжилж байгаа аж.