Өнгөрсөн шөнөөр Умард Солонгосын удирдагч Ким Чен Ун өвөг эцэг, БНАСАУ-ыг үндлэслэгч Ким Ир Сений нас барсны 20 жилийн ойг тохиолдуулан Кымсусаны ордонд очиж хүндэтгэл үзүүлсэн байна.
“Ким Чен Ун БНАСАУ-ын анхны ерөнхийлөгч Ким Ир Сений хөшөө бүхий танхимд орж хүндэтгэл үзүүлэхэд Солонгосын ардын армийн газар, агаар, тэнгисийн цэргийн төлөөлөл, ажилчин тариачны улаан гвардийн албан хаагчид байлцлаа” гэж ЦТАК агентлаг мэдээлжээ.
Ким Чен Ун, Солонгосын ардын армиас их удирдагчийн хөшөөний өмнө сагстай цэцгийн баглаа тавьсан байна.
Дараа нь удирдагч Ким Чен Ун өвөг эцэг Ким Ир Сений шарил байдаг танхимд орж цааш нь өөрийн эцэг Ким Чен Ирийн бунханд очиж хүндэтгэл үзүүлжээ.  
Ким Чен Уныг тус улсын цэргийн нөлөө бүхий зүтгэлтнүүд дагалдаж явсаны дотор  Солонгосын ардын армийн Улстөрийн ерөнхий газрын дарга Хван Пен Со, Жанжин штабын дарга Ли Ен Гиль, Ардын зэвсэгт хүчний сайд Чан Чон Нам нар байжээ.
Ким Чен Ун төрийн тэргүүн болсноосоо хойш гурав дахь жилдээ гэр бүлийнхээ мавзолейд орж хүндэтгэл үзүүлж байгаа нь энэ юм.