Израилын цэргийн нисэх хүчнийхэн палестины Газын зурвас дахь “Исламын жихад” болон “ХАМАС” бүлэглэлийн лалын дайчдын бааз руу агаараас 30 гаруй цохилт өглөө хэмээн израилын ДЯЯ-ны мэдээллээс иш татан “ВВС” агентлаг дамжууллаа.
ХАМАС бүлэглэлийн дайчид израилын өмнөд нутаг руу долдугаар сарын 1-ний шөнө пуужингаар харвасны хариуд ийм цохилт өгч байгаа юм хэмээн Израилын арми мэдээлэлдээ дурджээ. Харин “ХАМАС” бүлэглэлийнхэн болохоор израилын талын энэ зэмлэлийг няцааж байгаа юм.
Үүний зэрэгцээ Израилын тал ХАМАС бүлэглэлийг бас насанд хүрээгүй гурван хүүхдийг хулгайлж амийг нь хөнөөсөн, цогцос нь Хевроны өндөрлөгөөс холгүй газар байсан гэж буруутгаж байгаа ч палестины хөдөлгөөний удирдлагууд энэ хэрэгт бид ямар ч буруугүй гэж тайлбарлаж байна.