Нигерийн нийслэл Абуже хотын нэгэн худалдааны төвд бөмбөг дэлбэрч 21 хүн амь алдаж 52 хүн шархадлаа гэж “Би-би-си” мэдээллээ. Үүний өмнө шархадсан хүний тоог 17 гэж мэдээлж байсан юм. Бөмбөг нийслэлийн Banex  гэдэг томоохон худалдааны төвийн дэргэдэх гудамжинд хүн ид их байдаг үеэр дэлбэрчээ. Дэлбэрэлтинй улмаас зогсоол дээр байсан машинууд сүйрч, худалдааны төвийн хэд хэдэн давхар эвдэрч гэмтжээ. Бөмбөг хэн дэлбэлсэн нь тодорхойгүй байгаа ч эрх баригчид жихадын алан хядагч “Боко Харам” бүлэглэлийг үйлдсэн байх хэмээн сэжиглэж байгаа юм байна.