Польшийн ерөнхийлөгч Бронислав Коморовский Варшавт ирээд байгаа Украины сонгогдсон ерөнхийлөгч Петр Порошенкотой уулзлаа гэж хэвлэлийн алба нь мэдээлжээ.
1989 оны зургадугаар сарын 4-ний өдөр коммунизм байгуулж байсан орнуудаас хамгийн анх Польшид парламентын чөлөөт ардчилсан сонгууль болсны 25 жилийн ой тохиож байгаа учраас энд АНУ-ын ерөнхийлөгч Барак Обама тэргүүтэй 50 улсын төлөөлөгч цуглараад байгаа юм. Энд төв болон зүүн европын орнуудын төрийн тэргүүн, ерөнхий сайд нар иржээ.
Польшийн ерөнхийлөгч Коморовский өнөөдрөөс сарын өмнө тавдугаар сарын 9-нд Петр Порошенког Ерөннхийлөгчийн сонгуульд нэр дэвшээд байхад нь Варшавт бас уулзаж байсан юм.
Лхагва гарагт Петр Порошенко АНУ-ын ерөнхийлөгч Барак Обаматай уулзах юм. Петр Порошенко сая болж өнгөрсөн ерөнхийлөгчийн сонгуульд ялж Украины ерөнхийлөгчөөр сонгогдоод тангаргаа ч өргөж амжаагүй байхдаа ийн Польш улсад анхныхаа гадаад айлчлалыг хийж байгаа юм.