Дэлхийн хамгийн өндөр охин Элизани да Круз Сильва гурван жил үерхсэн найз залуутайгаа сүй тавьжээ. 2 метр 0,3 см өндөртэй Элизани одоо хэдий 18-хан настай ч гэр бүлийн амьдрал эрт зохиож, хүүхэдтэй болохыг хүсч байгаа аж. Учир нь, түүнийг жирийн хүмүүсээс өндөр биетэй болгоход хүргэсэн өвчин нь цаашид хүүхэд тээж төрүүлэхэд нь саад болох вий хэмээн эмээж байгаа учир эртхэн хүүхэд төрүүлэхийг хүсч байгаа гэнэ.
Бразилийн Салинополис хэмээх жижиг хотод амьдардаг Элизани 15 настайгаасаа Франчинальдо хэмээх энэ барилгачин залуутай үерхэж байгаад, жилийн өмнөөс хамт амьдарч эхэлжээ. Нутгийнхан дундаа "Аварга охин" гэдэг хочтой Элизани хүмүүсийн гайхаж сонжсон харцнаас тээршааж, тэр бүр гадагшаа гарахыг хүсдэггүй ч Франчинальдо түүнийг үргэлж дэмжин, хүмүүстэй нүүр хагарахад нь тусладаг байна. 
