Энэтхэгт болж буй сонгуулийн ажил хэдхэн хархнаас болж саатахад хүрчээ. 814 сая сонгогчтой тус улс сонгуулийн саналын хуудсыг аль болох хурдан шуурхай тоолохын тулд санал тоолдог цахилгаан машин ашигладаг юм. Гэтэл Нью-Делигийн ойролцоох Газиабад хотын саналыг тоолохоор илгээсэн электрон машиныг хархнууд эвдэж сүйдлээд ажил уяж, сонгуулийн дүн гарах хугацааг хойшлуулж орхижээ. Саналын хуудас тоолох машиныг хадгалж байсан байр буудайн агуулахтай ойролцоо байсан нь ийм явдал гарахад хүргэсэн бололтой.  Одоо сонгуулийн хорооныхон санал тоолохоос гадна машинуудаа хархнаас хамгаалж, устгах бас нэг ажилтай болжээ.
Хүн амын тоогоор дэлхийд хоёрт ордог Энэтхэг улсад сонгууль явуулж, санал тоолоход бүтэн зургаан долоо хоног шаардагддаг юм.  800 сая саналын хуудсыг гараар тоолох аргагүй учир 1998 оноос цахилгаан машин ашиглаж эхэлсэн юм байна. Тус улсын сонгогчид хэд хоногийн өмнө парламентын 543 гишүүнээ сонгосон юм.