Хойд Солонгос Өмнөд Солонгосын далайн хилийн орчим байлдааны буудлагатай хээрийн сургууль явуулж эхэллээ. Өмнөд Солонгосын Батлан хамгаалах яамны хэвлэлийн алба “Пеньян хилээс умард зүгт Епхондо болон Пэннендо арлуудын орчим байлдааны буудлагатай хээрийн сургууль хийх гэж байгаагаа бидэнд мэдэгдсэн” гэв. Өмнөд Солонгосын загас агнуурын онгоц хээрийн сургууль болох нутгийг орхин гарсан бөгөөд Өмнөдийн зэвсэгт хүчин бэлэн байдалд орсон байна. Хамгийн сүүлд яг энэ бүс нутагт гуравдугаар сарын 31-нд Хойд Солонгос байлдааны буудлага хийж байсан юм. Тухайн үед хойдууд усан онгоц эсэргүүцэх 500 гаруй пуужин харвасан бөгөөд эдгээрээс 100 орчим нь зааглах бүсийг давж Өмнөдийн хяналтад байдаг усанд унахад хариуд нь 300 гаруй удаа буудсан ээдрээ үүсч байсан билээ.
