Швейцарийн эрдэмтэд тус улсын зарим том нууранд цунами үүсч болзошгүй байгааг ард иргэддээ анхааруулсан тухай “ВВС” агентлаг мэдээллээ. Газар хөдлөлтийн улмаас үүсдэг дэлхийн гадаргын тектоник шилжилт хөдөлгөөн цунами үүсэх гол шалтгаан болдог байна. Гэхдээ ийм үзэгдэл тун ховор ажиглагддаг гэдгийг эрдэмтэд онцлов. Хамгийн сүүлд 1601 онд Люцерн нууранд газар хөдлөлтийн дараа цунами үүсч байсныг албан ёсоор бүртгэсэн байдаг. Анхааруулна гэдэг нь цунами өнөө маргаашгүй үүсэх аюултай гэсэн үг биш ч гэлээ, цаашид ч нуурын эрэг орчим барилга байгууламж барихдаа энэ аюулыг заавал бодолцох хэрэгтэйг эрдэмтэд зөвлөсөн байна.