Хойд Солон­госын Ардын ар­­мийг үүсгэн бай­гуулсан өд­рөөр Ким Чен Ун пуужинт ангид очиж бууд­лагын явцыг удирд­сан байна. Их удирдагчийн удирдлагаар хар­васан пуужин бүх байг амжилттай оносон тул Ким Чен Ун цэргийн албан хаагчдад баяр хүргээд хамт зургаа татуулсан аж. Үүнээс өмнө Ким Чен Ун нь агаараас эсэргүүцэн хамгаалах хүчин, цэргийн нисэх хүчний бэлэн байдлыг шалгах гэнэтийн сургуулилтыг удирдаж нисгэгчдийг “Тушаал авбал ямар ч үед дайсны бэхлэлтэд хайр найргүй цохилт өгөхөд бэлэн байна” гэж магтжээ.
Энэ бүх сургуулилт нь Өмнөд Солонгос ба Америкийн Цэргийн нисэх хүчний “Max Thunder” хамтарсан хээрийн сургуулилтад өгч байгаа хариу аж. Хойд Солонгосын сонинд энэхүү хээрийн сургуулилтыг нөхцөл байдлыг улам хурцатгаж Солонгосын хойгт цөмийн дайн дэгдэх аюул бий болгож байна гэж шүүмжилж байсан юм.