Украин улсыг бутаргаж, Крымыг булаан аваад одоо зүүн, зүүн өмнөд нутагт нь салан тусгаарлах үймээн дэгдээж байгаа Орос улс, Кремлийн эсрэг украин бүсгүйчүүд бараг 100 хувь хориг тавихаар шийдсэн гэнэ. Тэд эх оронч бүхий л хүнд хандаж одооноос Орос эрчүүдтэй бэлгийн харьцаанд орохгүй байхыг бусаддаа уриаллаа гэж novostiphuketa.com сайтад бичжээ.
Тэд “Оросуудад бүү өг” нэртэй эсэргүүцлийн хөдөлгөөн эхлүүлснээ Facebook-ээр зарласан байна. Бүсгүйчүүд эмэгтэй хүний нандин эрхтнийг дүрсэлж байгаа гарын алгаа нийлүүлсэн зураг бүхий майк үйлдвэрлүүлжээ.

Тэд бас энэ бол зөвхөн сексийн тухай ч асуудал биш, “Бид бүгдээрээ ийм хувцасаар ижилсч, Оросуудад Крымыг бүү өг, оросуудад  бидний газар нутгийг бүү өг, оросуудад мөнгө бүү өг, оросуудыг бүү ялуул...Секс гэдэг инээдтэй зүйл биш” гэж мэдэгджээ. Энэ хөдөлгөөнд олон хүн нэгдэж үзэл бодлоо илэрхийлж байгаа гэнэ.