Манай энхийг сахиулагчид үүрэг гүйцэтгэж байгаа Өмнөд Суданд босогчид ба Засгийн газрын цэргүүдийн хооронд ширүүн тулаан болж байгаа тухай тус улсын армийн удирдлага мэдэгджээ. Босогчид Юнити мужийн Майоум хотыг эзлэн авсан бөгөөд одоогоор Дээд Нил ба Жонглей мужийг эзлэхээр байлдаж байгаа аж. Өнгөрсөн долоо хоногт Өмнөд Суданы босогчид тус улсын өмнөд хэсэгт байрладаг газрын тос дамжуулах үйлдвэрийг эзэлсэн бөгөөд энэ байлдааны үеэр нутгийн 200 гаруй иргэд алагдсан байна.