Орос иргэдийн талаас илүү буюу 61 хувь нь Владимир Ильич Ленинийг Улаан талбай дахь бунхнаас гаргаж оршуулах нь зөв гэж үзэж байна. “олон нийтийн санал” сангаас энэ сарын 20-нд оросын 43 нэгж газарт явуулсан судалгаагаар ийм дүгнэлт гарсан байна хэмээн “Взгляд” сонин мэдээлжээ. Санал асуулгад оролцогсдын 61 хувь нь Лениний шарилыг бунхнаас гаргаж оршуулах нь зөв гэсэн бол 22 хувь нь үүний эсрэг санал өгчээ. Судалгаанаас үзэхэд оросын иргэдийн гуравны нэг хувь нь Лениний мавзолейд орж үзсэн гэсэн байна.

Нийт хүний 42 хувь нь Ленинийг сайн хүн, орос оронд сайн зүйл авчирсан гэсэн бол 29 хувь нь сайн ч зүйл хийсэн, муу  зүйл ч хийсэн, харин 12 хувь нь тэрээр орос оронд зөвхөн муу муухайг авчирсан гэж хариулжээ.
Владимир Путин ерөнхийлөгчийн албаа эхэлж байхдаа Лениний шарилыг оршуулахын эсрэг байгаагаа хэлээд “маш олон хүн өөрийнхөө хувийн амьдралын сайн сайхныг Ленинтэй холбон үздэг” гэж мэдэгдэж байсан юм.