Британийн тагнуулын байгууллагын таамаглаж байгаагаар бол дэлхийн гуравдугаар дайн Украины нутагт үүсч магадгүй гэнэ. Тагнуулын энэ байгууллага улсынхаа Ерөнхий сайд Дэвид Кэмеронд украины нутагт цэргээ оруулахгүй бол энэ хямрал даамжирсаар Оростой хийх том хэмжээний дайн болж хувирч мэднэ гэж урьдчилан анхааруулжээ. Британийн тагнуулын “МИ-6” байгууллагын ажилтнууд украины хямралын явцыг судалж үзээд энэ нь иргэний дайнд хүргэж магадгүй гэж анхааруулж байсан юм. Үйл явдал ингэж өрнөвөл Дорноод Украины хэсэг Орост нэгдэх, тусгаар тогтнох тухайгаа зарлаж магадгүй юм. Өнгөрсөн хоёрдугаар сарын 22-нд Украинд төрийн эргэлт гарч засаг солигдсон юм. Үүнтэй зэрэгцээд тус улсын зүүн болон зүүн өмнөд хэсэг, Крым улсынхаа Дээд Радагийн ерөнхийлөгч Виктор Януковичийг огцруулсан шийдвэрийг хууль бус гэж үзэж автономит эрхийнхээ тухай бүх нийтийн санал асуулга явуулсан юм. Санал асуулгад оролцогсдын 96 хувь нь ОХУ-ын бүрэлдхүүндп орно гэсэн санал өгсний дагуу ОХУ-ын ерөнхийлөгч Владимир Путин 2014 оны гуравдугаар сарын 21-нд Крым, Севастополийг ОХУ-ын бүрэлдхүүндп оруулах тухай хэлэлцээрийг үндэслэн хууль баталсан юм. Мөн ОХУ-ын Крымын холбооны тойрог байгуулах зарлиг ч гаргасан юм.