АНУ ба Хятадын эрдэмтэд хамтарсан судалгаа явуулаад Азийн орнуудын агаарын бохирдол дэлхийн бөмбөрцгийн хойд хагаст цаг агаарыг өөрчлөхөд нөлөөлдөг гэсэн дүгнэлт хийжээ. Судалгаанас үзвэл Азийн агаар мандалд байгаа хортой бодисын нөлөөгөөр Номхон далайд хүчтэй шуурга их хэмжээгээр үүсдэг. Харин энэхүү далайн шуурга Хойд Америкийн цаг агаарын тогтсон хэмнэлийг эрс өөрчилдөг нь өвлийн улиралд ихээхэн мэдрэгддэг. Америк, Канадад өнгөрсөн өвөл сүүлийн 20-100 жил үзэгдэж байгаагүй хүйтэрч, их цас орсон тухай мэдээг та уншиж байсан биз.
Гэхдээ нөгөө талаас далайд болж байгаа шуурга эргээд агаарын бохирдлыг бууруулахад нөлөөлдөг аж.