Энэтхэгийн Уттар-Прадеш мужид 24 настай Приянка Пал гэдэг бүсгүй маш ховор эмгэгтэй буюу биенийхээ гадаа зүрхтэй хүүхэд төрүүлжээ. Эмч нар жаал хүүг амьд үлдээх боломж саяд нэг тохиох ховор эмгэг гэдгийг ч хэлсэн байна. Жаал хүүгийн амьдрах хугацаа хэдхэн өдрөөр хэмжигдэж байгаа ч ойрын хугацаанд маш яаралтай мэс засал хийх, гэхдээ нарийн мэргэжлийн тусгай эмнэлэгт хийх ёстой ч хүүгийн төрсөн эмнэлэгт шаардлагатай багаж хэрэгсэл, тоног төхөөрөмж байхгүй гэжээ. Тэгээд ч мэс засал хийлгэхэд багагүй төлбөр шаардлагатай байгаа ч хүүгийн эцэг “Би ядуу хүн. Бид арай гэж л хоногийн хоол залгадаг. Улсаас надад туслах байх гэж найдаж байна. Хүүгээ аврахын тулд би бүхнээ тавихад ч бэлэн байна. Ёстой дээшээ тэнгэр хол,  доошоо газар хатуу байна” гэснийг Gazeta.ua иш татжээ. 

Хүүгийн эцэг эх дөрвөн жилийн өмнө гэрлэсэн энэ нь тэдний анхны хүүхэд гэнэ. Хүүг одоо Дехрадун хотын эмнэлэгт хүргээд байгаа юм байна.