Ерөнхийлөгч Б.Обама эхнэрээ гэрэл зурагчдын өмнө эвгүй байдалд оруулахгүйн тулд салхинд дэрвэх хормойг нь дарж, тус болов. Техасын Остин хотод хүндэтгэлийн ёслолд оролцохоор Ерөнхийлөгчийн гэр бүлийг явах үед нислэгийн талбайд салхитай байснаас тэргүүн хатагтай хормойг байн байн дэрвүүлээд байжээ. Харин Б.Обама халамжтай нөхөр гэдгээ харуулж, тэргүүн хатагтайгаа гэрэл зургийн дуранд эвгүй байдалтайгаар харагдуулахгүйн тулд самбаачлан хормойг нь дарж амжжээ.
Энэ долоо хоногт Шинэ Зеландад айлчлахаар ирсэн Их Британийн гүнгийн авхай Кэтерин мөн онгоцоос буух үед хормой нь салхинд дэрвэж, гэрэл зурагчдын дуранд өртөөд авсан юм.