Украины ерөнхийлөгч байгаад эх орноо орхин зугтааж, ОХУ-д хоргодож байгаа Виктор Янукович гуравдугаар сарын 28-нд оросын Ростов-на-Дон хотноо хэвлэлийн хурал хийж улсынхаа бүх бүс нутгийн статусыг тодорхойлох  бүх нийтийн санал асуулга явуулахыг уриалсан байна. “Би ерөнхийлөгчийн хувьд украины эрүүл ухаантай иргэн бүрийг өөрсдийгөө өргөмжилсөн хүмүүст ашиглуулахгүй байхыг уриалж байна. Украины бүх бүс мужуудын статусыг тодорхойлох бүх нийтийн санал асуулга явуулахыг шаардах хэрэгтэй” гэж Януковичийн эх орныхоо иргэдэд хандсан уриалгад дурдсан байна гэж ИТАР-ТАСС агентлаг дамжууллаа.
Тэрээр “Сүүлийн саруудад Украинд юу болоод, юу болж байна вэ” гэж асуугаад “Барууны орнуудын  бүрэн дэмжлэгтэй сөрөг хүчнийхэн, зэвсэглэсэн террористуудын зэвсэгт төрийн эргэлт боллоо” гэжээ. Тэр Украины зүүн өмнөд нутгуудад  өрнөж байгаа эсэргүүцлийн хөдөлгөөн нь төрийн энэ зэвсэгт эргэлтийг хүн ам хамгийн их шигүү суурьшсан, аж үйлдвэрийн бүс нутаг дэмжихгүй байгаагийн илэрхийлэл” гэсэн байна. “Өөрсдийгөө өргөмжлөөд байгаа энэ хүмүүс украины ард түмнээс нэг ч илтгэл хүлээгээгүй, ард түмний үзэл бодлыг хаах эрхгүй болохоор тэд зөхөн үндсэн хуулийн бус аргаар, хууль зөрчих замаар л тогтож байна” гэжээ.