ОХУ-ын Коммунист намын тэргүүн Геннадий Зюганов  Крымыг ОХУ-ын бүрэлдхүүнд багтаах тухай асуудал хэлэлцсэн Төрийн Думын хуралдаан дээр АНУ-ын ерөнхийлөгч Барак Обамад зориулсан онигоо ярьж депутатуудыг хөгжөөсөн байна.
Тэрээр “Барак Обама өглөө босоод эхнэртээ, энэ оросууд, Путин бүр намайг Крымээс болж залхааж гүйцлээ. Болдогсон бол бүгдийнх нь хөлийг тайрах юмсан гэжээ. Харин эхнэр нь өөдөөс нь “Байз чи, паралимпын дүнг л харахгүй юу. Тэд чинь хоёр хөлгүй мөртлөө бүхий л медалийг нь түүчихлээ шүү дээ” гэж хэлсэн гэнэ” хэмээн ярихад депутатууд танхим дүүрэн инээд болсон байна.  
Тэгээд Геннадий Зюганов барууныхны ямар ч хориг Орост үйлчлэхгүй гэсэн байна. Тэр бас “Миний аав Одессын төлөө, Севастополийн төлөө тулалдаж тэнд хүнд шархдаж байсан. Хоёр ч удаа ингэж амь алдах дөхөж байхад нь  түүнийг оросууд, украинчууд, татарууд аварч байсан. Ийм сайхан ариун газар, хүмүүсийг бид бүх талаар нь дэмжих ёстой” гэжээ.