Гуравдугаар сарын 16-ны бүх нийтийн санал асуулгын дараагаар оросуудын дуулиан болгож өөрийнхөө улсын бүрэлдхүүнд авсан Крымын ард иргэд, бүс нутгийн удирдлагууд Симферополь дахь Украины Тэнгисийн цэргийн флотын штабын дайран эзэлж, командлагч контр-адмирал  Сергей Гайдукийг нь саатуулаад байгаа. Үүнтэй холбогдуулан ОХУ-ын Батлан хамгаалахын сайд Сергей Шойгу Крымын удирдлагуудад хандаж түүнийг суллахыг уриалсан байна.
“ОХУ-ын Батлан хамгаалахын сайд, армийн генерал Сергей Шойгу Бүгд Найрамдах Крым улсын удирдлагуудад хандаж өнөөдөр саатуулаад байгаа, Украины Тэнгисийн цэргийн флотын командлагч контр-адмирал Сергей Гайдукийг украин руу явуулахгүйгээр суллахыг хүслээ” хэмээн ОХУ-ын БХЯ-ны мэдээлэлд өгүүлжээ.
Гайдук Украины зэвсэгт хүчний дүрэм ёсоор өөрийн удирдлагынхаа тушаалыг биелүүлж байсан гэдгийг анхаарах нь зүйтэй гэж Оросын Батлан хамгаалахын сайд тэмдэглэжээ. Үүний өмнө Гайдукыг “асууж тодруулах зүйл байгаа учраас прокурорын газар түр саатуулсан”, “Гайдук Киевээс ирж байгаа цэргийн анги нэгтгэлүүдэд энгийн иргэдийн эсрэг зэвсэг хэрэглэх тушаал өгсөн” гэж мэдээлсэн юм.
Украины ерөнхийлөгчийн үүрэг гүйцэтгэгч Александр Турчинов мөн “украины цэргийн албан хаагчдын эсрэг бүхий л халдлага, үйл ажиллагаагаа киевийн цагаар 23,00 гэхэд зогсоохыг уриалаад хэрэв энэ шаардлагыг биелүүлэхгүй бол техник болон технологийн шинжтэй бүхий л арга хэмжээ авах болно” гэсэн байна.