Крымд болсон үйл явдалтай холбогдуулан ОХУ-ын “Их найм” “G8”-ын гишүүнчлэлийг зогсоох шийдвэр гаргаснаа Францын Гадаад хэргийн сайд Лоран Фабиус мягмар гарагт Europe 1 радио станцад өгсөн ярилцлагадаа  мэдээлсэн байна. “G8 нь том гүрнүүдийн улс төрийн яриа хэлэлцээний индэр учраас бид Оросын энэ байгууллага дахь гишүүнчлэлийг зогсоохоор шийдвэрлэлээ” гэж францын Гадаад хэргийн сайн хэлжээ. Тэр бас үлдэж байгаа “Их долоо” Оросгүйгээр цуглана гэдгээ бас мэдэгдсэн ч дээд хэмжээний энэ уулзалт хаана болохыг тодорхой хэлээгүй байна. Уг нь “Их найм”-ын уулзалт ирэх зургадугаар сард ОХУ-ын Сочи хотноо болох ёстой байсан юм.
Францын Гадаад хэргийн сайд бас зургадугаар сарын 6-нд болох Холбоотны цэрэг Нормандид буусны 70 жилийн ойн баярт хүрэлцэн ирнэ үү хэмээн ОХУ-ын ерөнхийлөгч Владимир Путиныг урьжээ.
ОХУ-ын ерөнхийлөгчийн хэвлэлийн нарийн бичгийн дарга Дмитрий Песков “Комсомольская правда” сонинд өгсөн ярилцлагадаа “Их найм”-д ордог орнуудын төлөөлөгчдийн хийж байгаа шүүмжлэлийн төлөө гадаад бодлогоо өөрчлөхгүй гэж мэдэгдсэн юм. Түүний үгээр бол ОХУ эдгээр орнуудтай хэвийн харилцаагаа үргэлжлүүлэх юм байна.