Энэ сарын 8-ны өдөр Малайзын нийслэлээс нисч Бээжинг зорьж яваад сураггүй болсон онгоцонд явсан зорчигчдын хоёр нь монголыг зорьж явсан байна гэж гадаадын хэвлэлүүд мэдээлжээ. Шинэ Зеландын иргэн, 38 настай Пол Уикс манайд ажилладаг уул уурхайн “Transwest Mongolia” компанид ажиллахаар ирж байсан байна. Энэ тухай түүний эхнэр Даника Уикс австралийн “WA Today” сайтад ярьсан байна.
Харин Энэтхэгийн иргэн Чандрика Шарма Улаанбаатарт болж байгаа НҮБ-ын ХҮнс Хөдөө аж ахуйн байгууллагын Ази Номхон далайн бүсийн чуулга уулзалтад оролцохоор ирж явсан байна. Тэрээр энэтхэгийн өмнөд мужийн Ченан хотын загасны хоршооллын гүйцэтгэх нарийн бичгийн даргын албан тушаалтэй нэгэн байсан гэж   “The Hindu” сонины сайтад бичжээ.

Малайзын агаарын тээврийн “Malaysia Airlines” компанийн 229 зорчигтой Boeing 777-200ER онгоц гуравдугаар сарын 8-ны шөнө Куала-Лумпураас бээжинг чиглэн нисээд удирдлагын төвөөс холбоо тасарч өнөө болтол сураггүй болоод байгаа юм.