Гуравдугаар сарын 4-нд хийсэн хэвлэлийн хурал дээрээ ОХУ-ын ерөнхийлөгч Владимир Путины хийсэн мэдэгдлийг няцаасан 10 баталгааг АНУ-ын Төрийн департамент дэлгэсэн байна.
Үүнийг АНУ-ын Төрийн департаментын албан ёсны сайтад нийтэлжээ.
Энэ баримт бичиг “ОХУ өнөөдөр Украины талаар баримталж байгаа бодлого, хууль бус үйл ажиллагаагаа зөвтгөхийн тулд худал мэдээлэл түгээж байна. Дэлхий дахин Достоескийн үеийнх шиг ийм ичгүүртэй зүйлийн гэрч болохыг огт хүсэхгүй байна” гэж эхэлжээ.
Ингээд АНУ-ын Төрийн департамент Путины  украинд болж байгаа үйл явдал, унгаагдсан ерөнхийлөгч Януковичийн талаар хийсэн мэдэгдлийг зүйл бүрээр нь шинжилжшүүмжлэн няцаасан байна. Ингэхдээ Путины хэлсэн үг мэдээлэл бүрийг иш татан өөрийн баримтаар няцаажээ.

1.    Путин: Оросын цэрэг Крымд зөвхөн оросын цэргийн хүчнийг л хамгаалж байгаа. Крым эх цэргийн байгууламж, дэд бүтцийг “иргэдийн өөрийгөө хамгаалах хүчин” эзлээд байгаагаас биш оросын цэрэг эзлээгүй

Баримт: Крымд үйл явдлын гол цөмд оросын тусгай албаныхан байгааг бүх зүйл баталж байна. Энэ хүмүүс ямар ч ялгах тэмдэггүй дүрэмт хувцас өмсч оросын цэргийн дугаартай машин техник ашиглаж байна. Тэгээд ч тэд украины цэргийнхэн, олон улсны хэвлэл мэдээллийн байгууллагынхны асуултад яг оросын цэргийн болон тусгай албаныхан гэдгээ нуухгүй харьцаж байна. Энэ хүмүүс зэвсэг агсч энгийн иргэдийн нэвтрүүлэхгүй хянаж байгаа.

2.    Путин: Оросын үйл ажиллагаа нь 1997 оны Украин болон ОХУ-ын гэрээний хүрээнд байгаа

Баримт: 1997 оны энэ гэрээгээр бол  Орос улс Украины газар нутгийн бүрэн бүтэн байдлыг хүндэтгэх ёстой. Украинд явуулж байга оросын цэргийн ажиллагаа нь Крымд хяналт тогтооход чиглэж байгаагаараа энэ гэрээг зөрчиж Украины бие даасан байдал, газар нутгийн бүрэн бүтэн байдлыг зөрчиж байгаа юм.

3.Путин: Сөарөг хүчнийхэн хоёрдугаар сарын 21-нд Украины ерөнхийлөгч Виктор Януковичтой зөвшилцсөнөө зөрчиж байна

Баримт: Хоёрдугаар сарын 21-ний хэлэлцээрээр Украины Дээд Рада 2004 оны Үндсэн хуульд эргэж орох, өөрөөр хэлбэл дарламентын тогтолцоонд орох тухай байсан. Хэлэлцэж тохирсноор бол Янукович ийм хуульд 24 цагийн дотр гарын үсэг зурж баталгаажуулах байсан. Харамсалтай нь Янукович үүнээс татгалзсан. Харин ч бүр өөрийнхөө өмч хөрөнгийг баглаж боогоод зугтахдаа авлигын асар их гэрч баримт үлдээгээд явсан.

4.Путин: Украины Засгийн газар хууль ёсны биш, Янукович бол урьдын адил Украины хууль ёсны тэргүүн.

Баримт: Гуравдугаар сарын 4-нд Путин өөрөө Януковичид “улстөрйин ирээдүй байхгүй” гэж хэлсэн. Януковичийг эх орноосоо зугтсаны дараа түүний өөрийн нь Бүс нутгийн нам түүний эсрэг босч Януковичийг Ерөнхийлөгчийн нь албан үүргээс огцруулах шийдвэр гаргаж шинэ Засгийн газрыг дэмжсэн. Украины шинэ Засгийн газрыг украины парламент Дээд Рада ардчилсан санал хураалтаар 371 депутат буюу 82 хувийн саналаар сонгосон.

5.Путин: Украинд хүмүүнлэгийн хямрал болж хэдэн зуун мянган украин хүн амь зулбан Орос руу зугтааж байна

Баримт: Украинд хүмүүнлэгийн хямрал болоод байгаа нэг ч албан ёсны баримт алга байна. Украинаас Орос руу дүрвэж байгаа тухай баримт нотолгоо ч алга. Газар дээр нь шалгаж нягталсан  Олон улсын байгууллагууд ч украины хилийн алба ч үүнийг няцааж байна. Хил орчим ажиллаж байгаа хараат бус сэтгүүлчид ч дпүрвэгсдийн тухай ямар ч мэдээлэл тараахгүй байгаа юм.

6.Путин: Орос угсааныхан аюулд ороод байна

Баримт: Ийм баримтыг оросын хэвлэл, төрийн мэдлийн телевиз ч олж дамжуулахгүй байна. Украины шинэ Засгийн газар эхнээсээ л энх тайван тогтоох зорилт тавьсан. Ерөнхийлөгчийн үүрэг гүйцэтгэгч Александр Турчинов бүс нутагт орос хэл хэрэглэхийг хориглох тухай хуульд гарын үсэг зурахаас татгалзсан. Оросууд, угсаатны хувьд ямар нэгэн аюул заналд өртөөгүй байгаа. Үүний зэрэгцээ Шинэ засгийн газар байгуулагдсаны дараа Киевт тайван байдал тогтож эхэллээ. Одоо тэнд гэмт хэрэг, хулгай дээрэм, улс төрийн ямар нэгэн сөргөлдөөн байхгүй болж байна.

7.Путин: Оросын цэргийн бааз аюулд ороод байна

Баримт: Оросын цэргийн бааз, объект ямар ч аюулгүй байдалд байгаа. Украины шинэ эрх баригчид олон улсын бүхий л хэлэлцээр, гэрээ ялангуяа оросын баазын талаарх баримт бичгийг даган мөрдөж байгаа. Харин ч Крым дэх украины цэргийн бааз оросын Тэнгисийн цэргийн талаас аюулд өртөөд байгаа нь үнэн.

8. Путин: Украины зүүн болон өмнөд нутагт сүм хийд рүү бөөнөөрөө халдаж байна

Баримт: Украины шашны тэргүүнүүд олон нийт сүм хийд рүү халдсан нэг ч тохиолдол гараагүй мэдэгдлээ. Украины бүх сүм хийдийн тэргүүн, Москвагийн үнэн алдартны шашны Украины тэргүүн шинэ засгийн газраа дэмжиж байгагаа илэрхийлж, үндэсний эв нэгдлээ хангахыг уриалж байна. Украины зүүн болон өмнөд хэсгийн еврейн групп ч ийм хүчирхийлэл өсч байгааг мэдээлэхгүй байна.

9. Путин: Киевийн эрх баригичд Крымыг эзлэхээр оролдож байна

Баримт: Украины түр Засгийн газар яриа хэлэлцээ хйихээр уриалаад байгаа. Харин энэ үеэр оросын цэргүүд өөрийнхөө баазаас гарч Крымын улс төрийн байгууламжууд, дэд бүтцийн чхуал объектыг эзхэрээр гарч байна. Киевийн засгийн газар нөхцөл байдлыг судлахаар өөрийн төлөөлөгчөө явуулж байна. Гэтэл хамгийн сүүлд Петр Прошенког Крымын парламентад нэвтрүүлээгүй байна.

10.Путин: Украины парламент Рада террористууд болон хэт даврагчдын нөлөөн дор  байна.

Баримт: Рапа бол Украины төлөөлөгчдийн байгууллага. Хуулийг тэнд олонхийн саналаар, ялангуяа зүүн украины төлөөлөгчдийн оролцоотой баталж байгаа. Баруун чиглэлийн хэт үндэсэрхэг хэсгийнхэн харин ч Майданы үеэр хууль ахиулагчидтай мөргөлдсөн явдал бий ч тэд Дээд Радад төлөөлөлгүй. Украины улс төр гудамжны, хэт даврагсдын гарт орчихсон баримт одоогоор алга. Харин ч ард түмний төлөөлөл парламент хууль ёсны дагуу ажиллаж байгаа.
Ийнхүү ОХУ-ын ерөнхийлөгч Владимир Путин хэвлэлийн хурал хийлгэж худал мэдээлэл тархаасныг АНУ-ын Төрийн департамент баримтаар няцаасан байна.