Жил бүрийн цагаан сараар Засгийн газраас улсын тэргүүний малчин, тариаланчийг шалгаруулж шагнал гардуулдаг уламжлалтай. Шагналыг малчны хотонд нь гардуулдаг байсан. Тэгвэл энэ жилээс хуучин байдлыг халж байгаа аж. Өөрөөр хэлбэл, улсын тэргүүний малчин, тариаланчаар шалгарсан хүмүүс Цагаан сараас өмнө Улаанбаатар хотод ирж Засгийн газрын тэргүүнээс шагналаа нэгдсэн журмаар гардан авахаар болжээ. Энэ ажлыг зохион байгуулахыг Засгийн газрын тэргүүн ҮХААН сайд Х.Баттулгад үүрэг болгожээ.