“Өрхийн үйлдвэрлэл - Ажлын байр” хөдөлмөрийн үзэсгэлэн яармаг өнөөдөр Улаанбаатар бизнес хөгжлийн төвд гарч байна
Монгол Улсын Засгийн газраас зарласан “Өрхийн хөгжлийг дэмжих жил”, Нийслэл Улаанбаатар хот үүсч байгуулагдсаны 373 жилийн ойг угтан Нийслэлийн хөдөлмөрийн газраас зохион байгуулах энэ үзэсгэлэн яармагийн үеэр иргэдийн хөдөлмөр эрхлэлтийг дэмжих чиглэлээр нийслэлд явуулж буй үйл ажиллагаа, хэрэгжүүлж буй төсөл хөтөлбөрүүдийг танилцуулах юм. Мөн ажил мэргэжлийн чиг баримжаа олгох зөвлөгөө өгөх, мэргэжлийн болон давтан сургалтанд бүртгэх, хамруулах, ажилгүй иргэдийг бүртгэж, ажлын байрны захиалгыг танилцуулан байнгын болон түр ажлын байранд зуучлахын зэрэгцээ төсөл хөтөлбөрт хамрагдаж байгаа иргэдийн болон хувиараа хөдөлмөр эрхлэгчдийн  хийсэн бүтээлийг үзэсгэлэн дэлгэж үзүүлэх юм.