Жуковын хөшөөний урд талын буцаж эргэдэг уулзвараас Кино үйлдвэрийн урд талын буцаж эргэдэг уулзвар хүртэлх 480 метр авто замын урд талын урсгалыг өнөөдөр оройны 22:00 цагаас хаах юм байна. Борооны ус зайлуулах шугам, цахилгаан ба холбооны сэтэлгээ, хоёр үе асфальтбетон хучилтын ажлыг энэ сарын 11 хүртэл  гүйцэтгэхээр болжээ. “Шинэ бүтээн байгуулалт” дунд хугацааны зорилтот хөтөлбөрийн хүрээнд Хөгжлийн банкны санхүүжилтээр он дамжин хэрэгжүүлэх Зүүн 4 замын уулзвараас Тролейбусны эцэс хүртэлх 4.5 км авто замын өргөтгөл, шинэчлэлтийн ажлыг "Ялгуусан" ХХК гүйцэтгэж байгаа аж.