Шинэ он гарах мөчийг баярын бялуугүйгээр төсөөлөхөд бэрх. Гэтэл энэ жилийн хувьд баярын ширээн дээрээ амтат бялуу тавих боломж, бас хэцүүхэн давааны нэг болоод байгаа бололтой. Энэ жил баярын бялууны дундаж үнэ 29.000₮-70.000₮-ийн үнэтэй байна. Мэдээж энэ нь үйлдвэрлэгч байгууллага болон нэр хүндээс шууд шалтгаалж байгаа юм. Он гарахад хэдхэн хоног үлдсэн энэ үед бялуу үйлдвэрлэгч байгууллагууд дараах мэдэгдлийг гаргаад байна.
Бялуу, бэйкери үйлдвэрлэлийн салбартаа тэргүүлэгч гэгддэг “Жүр Үр” ХХК нэг хүнд хоёроос илүү бялуу өгөхгүй гэдгээ мэдэгдээд байна.
Харин Олон улсын шилдэг франчайз болох “Tous Les Jour” Хил хаагдсантай холбогдуулан төлөвлөсөн ёсоор захиалга авах боломжгүй болсон тул онлайн захиалгад нээлттэй байгаа бялуунаас сонголт хийхийг зөвлөсөн байна.
“Monbakery”-ийн хувьд 12 сарын 9-14-ний хооронд 50-аас дээш тооны албан байгууллагын захиалга авч эхэлсэн ч өөрсдийнх товлосон хугацаанаас өмнө шинэ жилийн баярын бялууны захиалга дүүрсэн тул 12 сарын 21-ний өдрөөс бялууны захиалгаа хааж, кофе шоп, нэрийн тасгаар худалдаална гэдгээ мэдэгдлээ.
“Тэнгэрийн хишиг” ХХК-ийн хувьд 12 сарын 14-нд тусгай захиалгат бялууны захиалга дүүрсэн тул захиалга хаасан гэдгээ мэдэгдсэн бөгөөд салбаруудаараа шинэ оны өмнөх өдрүүдэд салбаруудаараа гаргахаас төлөвлөөд байна.
“Милая” сүлжээний хувьд урьдчилсан захиалгаа түр хугацаанд зогсоон нээсэн ч захиалга мөн адил дүүрсэн байна. Иймээс мөн адил өөрсдийн салбаруудаар худалдан авалт хийхийг зөвлөсөн байна.
“Талх Чихэр” ХК-ийн “Хотол” бялууны хувьд “Та Чи” мартын салбаруудаар 12 сарын 31 хүртэл бялуугаа худалдаалах болсоноо зарлаад байна. Ингэхдээ хүн бүрт бялуугаа хүртээмжтэй тэгш хувиарлах, бялуу дамнаж борлуулахаас сэргийлэн нэг хүнд хоёроос дээш бялуу өгөхгүй гэх шийдвэр гаргажээ.
