Төмөр замын вокзалаас Депогийн уулзвар /10 дугаар хорооллын уулзвар/ хүртэлх нэг км авто замын өргөтгөл, шинэчлэлтийн ажлын гүйцэтгэгчээр “Монгол Сата интернэшнл” ХХК шалгаран ажиллаж байна. Хуучин явган зам болон хашлага хуулах, хайс авах, гэрэлтүүлгийн шон буулгах зэрэг талбайн цэвэрлэгээний ажлууд хийгдэж дуусчээ. Хуучин явган зам, хашлагыг БГД-ийн ТҮК-д, гэрэлтүүлгийн шонг “Цахилгаан тээвэр” ХХК-д хүлээлгэн өгсөн. Авто замын трасст орсон 10 гаруй объектоос долоон объект нүүлгэн шилжүүлэлт хийгээгүй. Эдгээрийн дөрөв нь “Улаанбаатар төмөр зам” компанийн хашаа учир Нийслэлийн Газрын алба, Нийслэлийн Өмчийн харилцааны газраас үнэлгээ тус тус хийжээ. Одоогийн байдлаар замын хөдөлгөөнийг хязгаарлан инженерийн шугам сүлжээний ажлыг гүйцэтгэж байгаа юм. Замын өргөнийг 13-18м болгож, явган хүний зам, борооны ус зайлуулах шугам, гэрэлтүүлэг хийж арваннэгдүгээр сарын 30-нд хүлээлгэж өгөх аж.