Баян-Өлгий аймагт өчигдөр зургаан хүн амиа алдсан автомашины ноцтой осол гарчээ. 

Тодруулбал, наймдугаар сарын 6-ны 19.00-н цагийн орчимд  тус аймгийн Ногоон нуур сумын 9-р баг Цагаан нуур тосгоны  угтах хаалга гэх газар /сумын төвөөс зүүн урагш 3км/-т асфальтан замд Toyota Самry маркийн автомашин онхолдож жолооч, зорчигч нарын зургаан хүний амь нас хохирсон байна.

Эдгээр амь хохирсон хүмүүсийн хоёр нь найм болон 15 настай хүүхдүүд байжээ. Иймд жолооч та бүхэн орон нутгийн замд хөдөлгөөнд оролцохдоо зам, орчны байдалд хурдаа зөв тохируулж, жолооч, зорчигч нар хамгаалах бүс хэрэглэж байхыг Тээврийн цагдаагийн албанаас анхааруулж байна.