Гэр хорооллынхон 6-8 литр ус хэрэглэж байхад орон сууцанд амьдардаг иргэд 235 литр ус хоногт зарцуулдаг байна. Орон сууцныхан шүдээ угаахдаа 10 литр, жорлонгийн ус татахад 115 литр ус зарцуулж гэсэн тооцоо байдаг аж. Тэгсэн атлаа орон сууцныхан нэг литр усыг авахдаа 40 орчим мөнгө төлж байхад гэр хорооллынхон хоёр төгрөг зарцуулдаг. Бага ус хэрэглэдэг атлаа таван дахин илүү төлдөг гэр хороололынхонд төр засгаас анхаарал хандуулахаар болжээ. Усны газрын дарга З.Батбаяр энэ талаар “Гэр хорооллынхны усны мөнгийг багасгаж орон сууцныхантай адилхан болгоно. Мэдээж ингээд хийхээр Ус сувгийн удирдах газар алдагдал хүлээнэ. Нийт хэрэглэж байгаа усны дөнгөж гурван хувийг гэр хорооллынхон хэрэглэдэг атлаа машинаар тээвэрлэдэг учраас алдагдалтай байдаг. Уул уурхайн компаниудын хэрэглэж байгаа усны төлбөрийг нэмээд тэр зөрүүг нь Ус сувгийн газарт өгчихнө. Ийм шийдвэрийг гаргаад зохицуулах зөвлөлд үүргээ өгчихсөн байгаа. Цаашид үүнийг зохицуулаад хэрэгжүүлэх ёстой” гэсэн хариулт өглөө.
У.Бадмаа
