“Сайншанд аж үйлдвэрийн цогцолбор”-ын санхүүгийн зөвлөхөөр “Хөгжлийн банк” ажиллахаар болжээ. Энэ талаар тус банкны Зээлийн хэлтсийн мэргэжилтэн О.Оч “Цогцолборын мастер төлөвлөгөөг боловсруулсан АНУ-ын “Бектел” компанийн төлөвлөгөөг Засгийн газар баталж, ажлаа эхлүүл гэсэн. Энэ дагуу манай банкыг санхүүгийн зөвлөхөөр ажиллах үүрэг өгсөн. Энэ дагуу манайх хаанаас хөрөнгө босгох боломжтой талаархи судалгаа хийж байна. Ерөнхийдөө гадаад гэлтгүй дотоодоосоо ч хөрөнгө босгоно. Компани нь байгуулагдангуут шаардлагатай эхний ээлжийн хөрөнгийг манайх өгч болно” гэв.