Нийслэлийг удирдах эрх авсан Нийслэлийн АН-ынхан хотын мэрээ батламжилж чадахгүй гацжээ. Учир нь УИХ анхдугаар чуулганаа хийж чадахгүй байгаа нь нийслэлийг шинэ удирдагчтай болоход саад болоод буй. АН-ын ҮЗХ-ны хурлаас Н.Алтанхуягийг Ерөнхий сайдад нэр дэвшүүлэхээр санал нэгдсэн. Хэрэв Ерөнхий сайдыг УИХ батламжласны дараа хотын даргын асуудал цэгцрэх юм. Учир нь Хотын даргыг Ерөнхий сайд батламжлах учиртай. Уг нь одоогийн Засгийн газрын тэргүүн С.Батболд хотын даргад нэр дэвшээд байгаа Э.Бат-Үүлийг батламжилж болох ч тэрээр ардчилсан намаас сонгогдох Ерөнхий сайдаас Нийслэл хотын дарга бөгөөд Улаанбаатар хотын захирагч гэсэн алдараа гардана хэмээн зөрүүдлээд байгаа гэнэ. Нийслэлийг ирэх дөрвөн жил удирдах нь тодорхой болоод байгаа баатар орлогч дарга нараа ч сонгосон сурагтай. Ингэхдээ Нийслэлийн АН-д дэд дарга П.Батчимэг, Н.Батаа, Ц.Энхцэнгэл, Ц.Баатархүү нартайгаа хамтарч ажиллахаар төлөвлөсөн сурагтай.