Ахиад л завсарлага. АН болоод МАХН-МҮАН-ын Шударга ёс эвслийн хамтарсан Засгийн газар байгуулах тухай хэлэлцээр гурав дах өдрөө үргэлжилж байна. ИЗНН-ын хувьд бага зэрэг шуналтсаныг эс тооцвол төдийлэн элдэв шаардлага тавилгүй үндсэндээ АН-тай тохироод байгаа. Гэтэл “Шударга ёс” эвсэл хуучин бууны хугархайнуудаар дүүрсэн гэдгээ бататган шуналын сэтгэлээр хэлэлцээрийн ширээнээ сууж буй бололтой.
Хэдэн өдөр үргэлжлэх олон улсын сургалт семинар шиг бараг л товлосон цагт эхэлж, завсарлага аваад байгаа хурлаас нэг шийдвэр гаргаж, нэг зүгт харж чадвал УИХ хуралдах ёстой. УИХ-ыг өнөөдрийг биш юмаа гэхэд маргааш нөгөөдөр гээд энэ долоо хоногтоо багтаан хуралдуулж, УИХ-ын дарга бүтцээ батлахсан гэхээс зарим гишүүн яарч хэлэлцээрийн үр дүнг чих тавин чагнаж байна. Хэрвээ АН-ын төлөвлөж, хэвлэл мэдээллийнхний бичиж байгаагаар бол ямартай ч 15 яамтай болох дэг ээ. Үүний нэг ИЗНН-ынх болох нь тодорхой учраас Шударга ёс эвсэлд хуваарилах яамны жагсаалт л олон асуудлын зангилааг тайлах нь. Гэхдээ баярлах болоогүй л байна.