Сүхбаатар дүүргийн шүүхээс 2,6-3,6 жилийн хорих ял сонсоод буй цагдаагийн экс дарга нар Нийслэлийн шүүхэд давж заалдах гомдол гаргажээ. Тэд анхан шатны шүүхийн шийдвэр гарсны дараа “Шүүх шударга бус шийдвэр гаргалаа. Үүнийг хүлээн зөвшөөрч чадахгүй. Бид цэргийн гэмт хэргийн субъект биш. Хилс хэрэг тулгалаа” хэмээн ярьсан юм. Тухайн тэд давж заалдах болно гэдгээ ч мэдэгдсэн билээ.
 “Долдугаар сарын 1”-ний хэргээр ял сонсоод буй ЦЕГ-ын даргын үүрэг гүйцэтгэгч асан хошууч генерал Ч.Амарболд, НЦГ-ын дарга асан хурандаа О.Зоригт, ЭХГ-ын дарга асан хурандаа Ш.Батсүх нар Клиникийн гуравдугаар эмнэлэгт эмчлүүлж байгаа гэнэ.