Сонгуулийн гомдол наадмын дараа ч тасарсангүй. Өнгөрсөн сонгуулиар Өвөрхангай аймагт МАН-аас нэр дэвшсэн С.Чинзориг, Н.Төмөрхүү нарыг архи, бэлэн мөнгө тараасан хэмээн шүүхийн шийдвэр гарч гишүүний түр үнэмлэхийг нь цуцалсан. Гэвч энэ үйлдэл нь хууль бус тухай Н.Доржсүрэн, н.Ишдорж нарын Өвөрхангай аймгийн МАН-ын хорооны удирдлагууд өнөөдөр мэдэгдлээ. Тэд үндэслэлээ нь тус хэргийг Өвөрхангай аймгийн шүүхээр шийдвэрлүүлэх ёстой байсан боловч Хан-Уул дүүрэгт шийдвэрлэсэн. Тэгэхдээ нэг талыг баримталж, шүүгдэгчдийн эрхийг хангаагүй тайлбарлаж байгаа юм. Харин эсрэгээрээ АН-аас нэр дэвшсэн Г.Батхүү, Д.Зоригт нарын хууль бус үйлдлийн баримт байгаа гэнэ. Түүнчлэн шүүгчийг захиалгатайгаар шийдвэр гаргасан гэж үзэж буйгаа ч нуусангүй. Ийм учраас тэд Нийслэлийн шүүхэд давж заалдсан байна. Мөн шүүгч Н.Мөнхбаярт хариуцлага тооцох, С.Чинзориг, Н.Төмөрхүү нарын эрхийг баталгаажуулахыг Нийслэлийн шүүх болон СЕХ-оос шаардсан байна. Тэдний шаардлагыг биелүүлэхгүй бол Олон улсын парлиаментийн шүүхэд хандана гэсэн юм.