ХХААХҮЯ-ныхан тун чиг айдастай байгаа гэнэ. Учир нь, шинэхэн Засгийн газар бүтцээ баталж, яамдын сайд нарыг ч удахгүй батлах гэж буй. Тиймээс тус яамныхан салбараа сайн мэддэг, ажилдаа сайн, халаа сэлгээ бага хийх сайдтай болоосой хэмээн хүсч буй гэнэ. Шинэ сайд томилогдож ирэнгүүтээ л өөрийн багаа авчирдаг жишиг тогтсон учраас төрдөө хэдэн жил зүтгэсэн төрийн албан хаагчдын хувьд дээшээ тэнгэр хол, доошоо газар хатуу гэгч л болдог аж. Гэхдээ аз болоход бусад яамыг бодвол тус яамны сайдаар ирж байсан хүмүүс халаа халаа сэлгээ хийх нь бага байсан гэнэ. Тиймээс эл жишгээ ч баримтлан халаа сэлгээ бага хийгээсэй хэмээн найдаж суугаагаа ярьж байлаа.