УИХ-ын гишүүн Х.Тэмүүжингээс дараах тодруулгыг авлаа.

-Танай нам МАХН-МҮАН-ын Шударга ёс эвсэлтэй хамтран Засгийн газраа байгуулахаар шийдэж байх шиг. Та хувьдаа үүнийг дэмжиж байгаа юу?
-Нэгэнт АН олонхи болж чадаагүй учраас аль нэг нам эвсэлтэй хамтран Засгийн газраа байгуулах ёстой. Бид эрх ашиг бодохоосоо илүүтэйгээр төрийн ажлыг цалгардуулалгүй явуулах үүднээс л гэрээ байгуулна. Хуулийн дагуу аль нэг нам, эвсэлтэй гэрээ байгуулж хамтран ажиллах учраас буруутгах зүйл алга.

-Таныг Сангийн сайд болох сураг гарсан. Үнэн үү?
-Үүнийг хэлэхэд арай эрт байна. Гэхдээ хуульзүйн салбарыг шинэчлэх үү, шударга ёсыг тогтоох уу, авлига хээл хахуулийг арилгах уу, үгүй юу гэдгээ одоо ярилцаж, бүр хийх цаг ирсэн гэж бодож байна.