Лондонгийн олимп эхлэхэд 12 хоног үлдээд байна. Олимпын эрх аваад буй холбоодын зүгээс одоогоор ямар нэгэн медалийн тал дээр ам гараагүй. МЧБХ-ны тэргүүн дэд ерөнхийлөгч Д.Сумъяабазар 32 жил тасраад байгаа чөлөөт бөхийнхний олимпын медалийг Лондонгоос авчирна хэмээн том амлалт өглөө. Тодруулбал Лондонгийн олимпоос гурван медаль авчирна. Үүний нэг нь алт байх болно хэмээн ам гарлаа. Монголын чөлөөт бөхийн шигшээ баг наймдугаар сарын 1 гэхэд Болгарт очиж 6-нд Лондонд нь төвхнөх гэнэ. Чөлөөт бөхийн барилдаан наймдугаар сарын 8-нд эхлэнэ.