2012 оны сонгуулийн нэг онцлог нь УИХ болоод НИТХ-ын сонгуулийг хамтад нь явуулж, цаг зав төсөв мөнгө хэмнэсэн явдал байлаа. Шинэ НИТХ-ын бүрэлдэхүүн өнөөдөр 10 цагт анхны хуралдаанаа Хангарьд ордонд хийсэн юм. НИТХ-ын сонгуулиар 45 төлөөлөгчийн 26 нь АН, нэг нь ИЗНН, 14 нь МАН, дөрөв нь МАХН МҮАН-ын Шударга ёс эвслээс сонгогдож энэ удаад хотод Ардчилсан нам ялалт байгуулсан билээ. НИТХ-ын даргаар Ерөнхийлөгчийн Тамгын газрын дарга Д.Баттулгыг сонголоо. Даргаа сонгоод НИТХ-ын тэргүүлэгчдийг 11төлөөлөгчийн бүрэлдэхүүнтэй байхаар 100 хувийн саналаар баталж, намын бүлгүүд хэнийг тэргүүлэгчээр оруулахаа ярилцахаар нэг цагийн завсарлага авлаа.