Австралийн Брум  хотын цагдаа нар 27 настай залуу жолоочийг аюулгүйн бүс буруу хэрэглэснийх нь төлөө саатуулахад хүрчээ. Хэргийн учир нь тэрээр аюулгүйн бүсээр хоёр хайрцаг шар айргаа даруулчихсан атлаа хүүхдээ аюулгүйн бүсгүй аваад зорчиж явсан байна.

Цагдаагийн дарга Аллан Адамын хэлснээр бол машинд насанд хүрсэн хоёр хүн, хэдэн хүүхэд байсны нэг нь бол бүр ой гаруйхантай жижиг хүүхэд байжээ. Хүүхдүүд томцуулынхаа өвөр дээр суучихсан, нэг нь бүр сандлын хоорондох зайд суугаад явж байхад хоёр хайрцаг шар айргийг аюулгүйн бүсээр даруулчихсан байсан  гэнэ.

Аллан Адам “Энэ бол манай зарим жолоочийн эмгэнэлтэй дүр төрх. Ийм хүмүүсийг хүмүүжүүлэхийн тулд бид бүхнийг хийж, хатуу тэмцэх болно” гэж онцолцжээ.